Bidjiça

Gardénia Benrós

Compositor: Não Disponível

Bidjisa é un amóstra sértu pa nu konta ku mórti pértu
Ma sol di ntardiser di idadi é sol brandu, é sol di sodadi
Bidjisa é un amóstra sértu pa nu konta ku mórti pértu
Ma sol di ntardiser di idadi é sol brandu, é sol di sodadi

Sol brandu ka ta kema péli di róstu di nha kretxeu
Sol brandu é sol di gostu ki ta lumia-nu pórta di séu

Kretxeu é na dibagarinhu
Na pas, na gostu, na djitinhu
Amor é pa nu sinti-l se gostu
É na sonbrinha di sol postu

Kretxeu é na dibagarinhu
Na pas, na gostu, na djitinhu
Amor é pa nu sinti-l se gostu
É na sonbrinha di sol postu

Amor, kuandu é di barbaton
Sen sol nen ton, el é sen valor
Nha fidju, ubi nha konsedju
Amor más dosi é amor di bédju

Amor dipos di un sértu idadi
T'óki el sinta ku kunpanheru
Ningen ka ta ergê prumeru
Sen ki tude dor mata sodadi

Sinta djuntu, labanta djuntu
Es k'é dretu, es k'é di gostu
Sinta sábi, ku mel, ku asuntu
Kurason lébi, grasa na róstu

Sinta djuntu, labanta djuntu
Es k'é dretu, es k'é di gostu
Sinta sábi, ku mel, ku asuntu
Kurason lébi, grasa na róstu